«Шахтер» Армения чемпионатының үздік сұрмергенін жалға алды
АСТАНА. ҚазАқпарат - Арменияның «Гандзасар» клубының 27 жастағы шабуылшысы Гегам Арутюнян осы маусымның соңына дейін қарағандылық «Шахтерде» ойнайды, деп хабарлайды ҚазАқпарат «SPORTINFORM» САА-ға сілтеме жасап.
Клубтар ресми түрде футболшыны «Шахтерге» жалға бергені туралы келісім жасады, деп хабарланды «Шахтер» клубының ресми сайтында.
Бұдан бұрын Г. Арутюнян тек өз отанында ойнаған: еревандық «Улисс» пен капандық «Гандзасар».
Өткен маусымда форвард 12 гол соғып, Армения чемпионатының үздік сұрмергені атанған еді.
