«Шахтердің» директоры мен бас бапкері отставкаға жіберілді
АСТАНА. ҚазАқпарат - Қарағандылық «Шахтёрдің» директоры Асқар Әбілдаев пен команданың бас бапкері Алексей Еременко отставкаға жіберілді, деп хабарлады KazFootball.kz.
Қарағандылық «Шахтёр» 14-ші турдан кейін Премьер-лигада соңғы орынды иеленді. Ресей маманы Алексей Еременко өткен жылы тамызда «Шахтёрді» басқарып, «кеншілерді» Премьер-лигадан шығып қалудан құтқарған. Асқар Әбілдаев болса, 2016 жылғы ақпанда «Шахтер» басшысы болып қайта тағайындалған.
Алексей Еременко осы маусым басталғаннан бергі отставкаға жіберілген Премьер-лигадағы төртінші бас бапкер.
