Шакира Қазақстанда өнер көрсетуі мүмкін
АСТАНА. KAZINFORM – «Астана Концерт» продюсері Мәлік Хасенов Шакираның Қазақстанда болуы мүмкін концерті бойынша келіссөз жүріп жатқанын айтты, деп хабарлайды Kazinform тілшісі.
Бұл ақпарат блогер Камиль Байрамовтың парақшасында жарияланған бейнеден мәлім болды.
Мәлік Хасеновпен сұхбатында блогер Дженнифер Лопестен кейінгі әлемдік жұлдыз ретінде Шакираны шақыруды ұсынды.
- Мен сізге кішкентай құпияны ашамын. Біз онымен келіссөз жүргізіп жатырмыз, егер бәрі жоспарға сай болса, келісімдерді күзде аяқтаймыз. Жаңалық күтіңіздер, – деп мәлімдеді Мәлік Хасенов.
Бұған дейін Джей Лоның Астанадағы концерті қалай өткенін жазған едік.
10 тамыз күні ол Алматыда өнер көрсетеді.
Ал Backstreet Boys концертіне билет 14 шілдеден сатыла бастайды.
