Шаңды дауыл мен қатты жел: 9 сәуірде ауа райы қандай болады

АСТАНА. KAZINFORM –  «Қазгидромет» РМК баспасөз қызметі 9 сәуірге арналған ауа райы болжамын ұсынды. 

— Атмосфералық фронтальды бөлімдердің өтуіне байланысты тұрақсыз ауа-райы алдағы үш күнде сақталады. Найзағай, тұман, жел күшейеді деп болжанған. Батыста солтүстік-батыста, солтүстікте, орталықта, шығыста қатты жаңбыр жауу ықтималдығы жоғары болса, шығыста түнгі уақытта қатты жауын-шашын күтіледі, — делінген хабарламада. 

Елдің батысында температура түнде 5-13-тен 1-9-ға дейін, күндіз 15-25-тен 10-20-ға дейін төмендейді деп болжанып отыр. Солтүстікте, республиканың орталығында түнде температураның ауытқуы 0-8-ден 2-12-ге дейін, күндіз 10-20-дан 17-25-ке дейін көтеріледі. Елдің шығысында түнде температура 2 аяздан-7 жылудан 5 аязға дейін-5 жылудан аздап төмендесе, күндіз 13-21-ден 17-25 жылуға дейін біртіндеп жоғарылайды деп болжанған. 

— Алдағы тәулікте жауын-шашын болжамына байланысты оңтүстік, оңтүстік-шығыс және шығыстағы таулы өзендерде су деңгейінің ауытқуы байқалады. Солтүстіктің, орталықтың және шығыстың жазық өзендерінде қар еріп, сайлардан еріген ағын сулар бетіне шығады, мұз қапталдары ериді, өзендердегі су деңгейі көтеріледі, — делінген гидрологиялық болжамда. 

Оңтүстікте түнде 10-15 жылу күтіледі, күндіз 20-28-ден 23-32-ге дейін көтеріледі. Оңтүстік-шығыста түнде 5-12 жылудан аздап төмендейді, таулы аудандарда 3 аяз-2 жылудан 3-8 жылуға дейін, таулы аудандарда 0-5 аяз, күндіз 15-25-тен 12-20 жылуға дейін.

9-11 сәуірі аралығында Астана, Алматы және Шымкент қалаларында жаздың ыстық ауа-райы сақталады.

Бұған дейін хабарланғандай, Алматы облысында дауыл кезінде ағаш құлап, ер адам мерт болды.