Шанхай маңында екі кеме соқтығысты: 14 адам жоғалып кетті
ШАНХАЙ. СИНЬХУА – ҚазАқпарат – Бүгін Шанхай маңында Янцзы өзенінің сағасында баржа мен бензин құйылған танкердің соқтығысуы салдарынан 14 адам жоғалып кетті, деп хабарлайды ҚазАқпарат Синьхуа агенттігіне сілтеме жасап.
Агенттіктің хабарлауынша, келеңсіз жағдай жергілікті уақыт бойынша 3:39-да болған. Оқиға орнына келген құтқарушылар екі кеменің 17 экипаж мүшесінің үшеуін құтқарған.
Соқтығысу салдарынан 3 мың тонна бензин құйылған танкердің палубасы өртеніп, баржа суға батып кетті.
Құтқарушылар із-түссіз жоғалған адамдарды іздеуді жалғастыруда.
Фото: globaltimes.cn