Шәрібаев колумбиялықты бірінші раунда нокаутқа түсірді

АСТАНА. ҚазАқпарат - Қазақстандық былғары қолғап шебері Айдар Шәрібаев колумбиялық Даулис Прескотты бірінші раунда нокаутқа түсірді, деп хабарлайды Sports.kz.

АҚШ-тың Киссимми қаласында бірінші жартылай орта салмақ санатында өткен кездесу бірінші раунда техникалық нокаутпен аяқталды.

Айта кетейік, жерлесіміз Айдар осымен жеті кездесу өткізіп, барлығында жеңіске жетіп отыр. Оның 6-ауы - нокаут. Ал оның бүгінгі қарсыласы Прескотт болса 37 кездесу өткізген. Бұл - оның алтыншы жеңілісі.