Шарипова төртінші жекпе-жегінен соң әлемдік рейтингте жоғары көтерілді
АСТАНА. ҚазАқпарат - Кәсіби бокстағы тұңғыш қазақстандық қыз Фируза Шарипова беделді BoxRec порталының тұжырымы бойынша әлемдік рейтингте едәуір жоғары көтерілді, деп хабарлайды AllFight.Ru.
Қазіргі уақытта Фируза Шарипова өзінің салмақ дәрежесінде 28-орынды еншіледі. Бұл 4 наурызда Ресейдегі Балашихадада ринг иесі Юлия Чернобородованы айқын басымдықпен жеңгеннен кейін мүмкін болды.
Кәсіби бокстағы өзге қазақстандықтардың рейтингімен салыстырар болсақ, олардың қазіргі кездегі орындары төмендегідей:
1. Геннадий Головкин - 1- орын
2. Жанат Жақиянов - 12
3. Бейбіт Шүменов - 15
4. Фируза Шарипова - 28
5. Иса Ақбербаев - 35
6. Қанат Ислам - 49.
