Шайдың бағасы қымбаттады
АСТАНА. Тамыздың 19-ы. ҚазАқпарат - Шай өндіретін Кения, Шри-Ланка және Үндістан сияқты елдердегі құрғақшылыққа байланысты, әлемдік нарықта шайдың бағасы ең жоғары межеге жетіп, өнімнің жетіспеушілігі проблемасын туғызып отыр,
деп хабарлайды ВВС телекомпаниясы.
Шай сататын әлемдегі ірі базар - Кенияның Момбас айлағында сауда барысында ВР1 санатты үздік қара шайдың киләсі 3,7 долларға сатылуда.
Ағымдағы жылдың қаңтар айынан бері, шайдың бағасы 25 пайызға өсіп отыр. Салыстырар болсақ, 2001 жылы ВР1 сұрыпты шайының бағасы 1,75 доллар/киләні құраған болатын.
