Шекарадағы заңсыздық: Сенім телефоны жарияланды
НҰР-СҰЛТАН. ҚазАқпарат – «Адалдық алаңы» республикалық жобалық кеңсесінің жетекшісі Төлеген Байғұлов шекарадағы заңсыздыққа байланысты қайда хабарласуға болатынын айтты, деп хабарлайды ҚазАқпарат тілшісі.
«Жобалық кеңсе сізді шекарадан өту үшін делдалдар немесе мемлекеттік органдардың өкілдері тарапынан заңсыз сыйақыларды талап ету және салықты төлеу кезінде проблемаларға тап болған жағдайда +7 702 000 2494 нөмір бойынша байланыс орталығына хабарлауға шақырады», - деді Төлеген Байғұлов агенттіктің Facebook парақшасында өткен онлайн баспасөз мәслихатында.
Оның айтуынша Мемлекеттік кірістер департаменттері мен басқармаларында, кеден бекеттерінде «Сыбайлас жемқорлыққа қарсы фронт» орнатылған.
Сондай-ақ, бұл бекеттерде азаматтарды әуре-сарсаңға салмау, сапасыз көрсетілген қызметтер және сыбайлас жемқорлық құқық бұзушылықтары жағдайында арыз-шағым қалдыру үшін кері байланыс телефон нөмірі көрсетілген. Аталған нөмірге тәулігіне 10 адам хабарласқан оқиғалар болған.
