Шекарашылар Қазақстан аумағынан Қырғызстанға мұнай өнімдерін айдауға арналған түтікті тапты
АСТАНА. ҚазАқпарат - Қырғыз шекарашылары Қазақстаннан мұнай өнімдерін айдауға арналған түтікті тапқан. Бұл туралы бейсенбі күні Қырғыз Республикасының мемлекеттік шекара қызметі қоғаммен байланыс және БАҚ-пен жұмыс бөлімі мәлім етті, деп хабарлайды КирТАГ.
«2017 жылдың 26 қаңтар күні Шу облысы Иссык-Атин ауданы Кен-Булун елді мекенінің маңында шекарашылар Қазақстаннан Қырғызстанға Шу өзенінің түбінен мұнай өнімдерін түтік арқылы айдаумен шұғылданған Қырғызстан азаматын ұстады», - делінген хабарламада.
DAF маркалы контрабандашылардың жүк машинасы жалпы сыйымдылығы 30 тонна болатын төртбұрышты цистерналармен жабдықталған. Екі қырғызстандық азамат Қырғызстан аумағында болған, ал мұнайды Қазақстан жағынан айдаған. Оларды ұстаған уақытта цистернада 15 тонна дизельдік жанармай болған.
