Шешенстанда Ж.Депардьенің қатысуымен кек алғыш әке туралы фильм түсіріліп жатыр
АСТАНА. 20 мамыр. ҚазАқпарат - Шешенстанда басты рөлді француздық киноактер Жерар Депардье сомдайтын «Бирюза» криминалды триллері түсіріле бастады.
Ресейдің «Жаңалықтар» агенттігінің хабарлауынша, бұл жайында республиканың мәдениет министрлігі өкілі мәлім еткен.
Фильмде Депардьемен бірге британдық актриса Элизабет Херли түсуде. Француздық актер ұлы Ресейде өлтірілген әкенің рөлін сомдайды. Бұл елге ұлының кегін алу үшін келген ол ежелгі орыс құрбысы мен шешен досын кездестіреді. Түсірілім жұмыстары Шешенстан мен Мәскеуде жүргізіледі.
