Шетелдегі қазақстандық студенттер үшін ақпараттық кесте әзірленді

НҰР-СҰЛТАН. ҚазАқпарат - Жедел штаб жұмысын бастағаннан бері қазақстандық студенттердің шетелде оқуын жалғастыру мәселелері бойынша студенттер мен олардың ата-аналарынан көптеген қоңырау мен өтініштер келіп түскен. Осы жұмыстар аясында ҚР сыртқы істер министрлігі шетелдегі студенттерге арналған ақпараттық кесте әзірледі, деп хабарлайды ҚазАқпарат.

«Жедел штаб қызметкерлері келіп түскен өтініштерді барынша жедел қарастырып, оларды одан әрі өңдеу үшін ақпарат пен сұрау салуларды жинады, содан кейін өтініш берушілерге жауабын берді. Біздің шетелдегі дипломаттарымыз келіп түскен ақпарат негізінде өздері орналасқан елдерде әрбір университет және жергілікті білім министрліктерімен байланыс орнатты. Біз шетелдік оқу орындарымен ұсынылған оқу форматын, елге кіру-шығу ережелерін және шетелдік студенттерді оқытуға қатысты басқа да мәселелерді анықтаудамыз» делінген сыртқы саясат ведомствосының баспасөз қызметі таратқан хабарламада.

Осыған байланысты Штаб шетелдегі біздің студенттер үшін шетелдік оқу орындарының талаптары бойынша арнайы ақпараттық кесте әзірледі. Онлайн режимінде жаңартылатын осы кестемен мына сілтеме арқылы танысуға болады.

Мәліметке сай, өзара тиімді ықпалдасу үшін біз келесі іс-қимыл алгоритмін белгіледік: өтініш беру – ақпарат жинау – шетелдік оқу орындарымен/білім министрліктерімен байланыс орнату – шет мемлекеттердің елшіліктерімен хабарласу – өтініш иесіне жауап беру.

Қосымша сұрақтар туындаған жағдайда студенттер мен олардың ата-аналарынан ҚР СІМ Штабына келесі жедел желілер арқылы хабарласуын сұраймыз: [phone], 72-00-47, 72-05-49, электрондық пошта - [email protected].

Сондай-ақ, қазақстандық студенттер өз сұрақтарын қарау үшін төмендегі сілтеме бойынша онлайн өтінім бере алады: – https://rb.gy/etjeox .

Айта кетейік, бұған дейін ҚР СІМ шетелдегі қазақстандық студенттерге көмектесу үшін жедел штаб құрғанын хабарлаған едік.