Шығыс Қазақстан тұрғындарын кене шаға бастады

ӨСКЕМЕН. KAZINFORM – Шығыс Қазақстан облысында екі адамды кене шақты.

Биыл өңірде кенелер әдеттегіден ерте шықты. Дәрігерлерге кенеден зардап шеккен 2 адам жүгінген. Екеуіне де кене иммуноглобулині егілді.

- Қазіргі таңда облыстағы медициналық мекемелерде кене шаққан адамдарға шұғыл профилактикалық көмек көрсету үшін иммуноглобулин қоры жеткілікті. Кененің белсенділігі ауа райы жағдайына байланысты. Негізінен кене маусымы сәуірден қыркүйекке дейін созылады. Ең қауіпті кезең - мамыр-маусым айлары, - дейді ШҚО Санитарлық-эпидемиологиялық бақылау департаменті басшысының міндетін атқарушы Сәуле Слямғазина.

Айта кетейік, кенелер тек қана кене энцефалитінің ғана емес, кене сүзегі, кене боррелиозы (Лайма ауруы) сияқты басқа да инфекцияларының тасымалдаушысы.

Еске салсақ, бұған дейін Түркістан облысында ана өлімі екі есе өскені хабарланған.