«Шығыс» және «Оңтүстік» өңірлік қолбасшылығына жаңа қолбасшылар тағайындалды
Мемлекет басшысының өкімімен Жеңіс Мұхамедқалиұлы Маралов «Шығыс» өңірлік қолбасшылығы әскерлерінің қолбасшысы лауазымына тағайындалды, деп хабарлайды Kazinform Ақордаға сілтеме жасап.
Ал Қуанышбек Өскенбайұлы Үштаев «Оңтүстік» өңірлік қолбасшылығы әскерлерінің қолбасшысы болып тағайындалды.
Ол «Шығыс» өңірлік қолбасшылығы әскерлерінің қолбасшысы лауазымынан босатылды.
Сондай-ақ Мереке Мәтімұлы Көшекбаев та «Оңтүстік» өңірлік қолбасшылығы әскерлерінің қолбасшысы лауазымынан босатылды.
