Шымбұлақтағы аспалы жолдар уақытша жабылады
АЛМАТЫ. KAZINFORM — Алматыдағы Шымбұлақ тау курорты қысқы маусымға дайындық мақсатында аспалы жолдардың жұмысын уақытша тоқтатады.
Курорттың ресми әлеуметтік желідегі парақшасында хабарланғандай, жоспарлы жөндеу жұмыстары 12 қазанда басталады. Осы жөндеу жұмыстары кезінде кейбір аспалы жолдар уақытша жұмыс істемейді.
KKD-4 аспалы жолы 12 қазаннан 9 қарашаға дейін жабық болады.
M-1 «Медеу — Шымбұлақ», K-1 және K-2 аспалы жолдарының жұмысы 19 қазаннан 1 қарашаға дейін тоқтатылады.
Курорттың қонақүйі мен мейрамханасы әдеттегідей жұмысын жалғастырады.
Еске салайық, Шымбұлақ шатқалына апаратын жол 24 шілдеден 30 қарашаға дейін жабық болатынын хабарлағанбыз.
