Шымкентте есірткі таратты деген күдікпен жас жігіт ұсталды
ШЫМКЕНТ. KAZINFORM — «Қарасора — 2026» жедел-профилактикалық іс-шарасы аясында Шымкент қаласы полиция департаментінің есірткі қылмысына қарсы іс-қимыл басқармасының қызметкерлері қала аумағында есірткі таратумен айналысқан жас жігітті ұстады.
Жалдамалы пәтерге жүргізілген тінту барысында полицейлер құрамында мефедрон психотроптық заты бар үш ораманы тауып, тәркіледі.
Тексеру барысында күдіктінің қыркүйек айынан бастап есірткі сататын интернет-дүкеннің курьері әрі ораушысы ретінде заңсыз қызмет істегені анықталды.
— Кейін күдіктінің қатысуымен жүргізілген тергеу әрекеттері барысында қала аумағынан жасырылған орын анықталып, одан мефедрон салынған ірі орама тәркіленді.
Тәркіленген заттардың жалпы салмағы 200 грамнан асады, — делінген хабарламада.
Күдікті уақытша ұстау изоляторына қамалды.
Қазіргі уақытта сотқа дейінгі тергеп-тексеру амалдары жүргізіліп жатыр.
Айта кетелік 109 келі есірткі тәркіленді: Каспий теңізінде халықаралық есірткі арнасының жолы кесілген еді.
