Шымкентте соңғы аптада қызылшаның таралуы бәсеңдеді
Шымкентте қызылшаның таралуы бәсеңдеді. Бұл туралы Шымкент қаласы денсаулық сақтау басқармасының баспасөз қызметі мәлімдеді, деп хабарлайды Kazinform.
Шымкент қаласында соңғы бір аптада қызылша ауруының таралуы бәсеңдеді.
Жұқпалы аурулар ауруханасына түскен науқастардың саны жеті күнде 37,3% төмендеген.
Сондай-ақ жедел медициналық жәрдем станциясына түсетін қызылшаға күдікті қоңыраулар 125-тен 94-ке дейін азайып отыр.
«Халықты қызылшаға қарсы міндетті вакциналау қажеттігін түсіндіру мақсатында 8700-ден астам ауланы аралап, ақпараттық-түсіндіру жұмысы жүргізілді. Діни қоғам өкілдерінің қатысуымен 174 дөңгелек үстел өткізілді. Нәтижесінде ата-аналар иммунопрофилактика мәселесі бойынша емханаға жиі жүгіне бастады. Балаларды жоспарлы вакцинациямен қамту көрсеткіші 80% ұлғайды» делінген Шымкент қаласы денсаулық сақтау басқармасының баспасөз қызметі ұсынған ақпаратта.
