Шіркеуге түскен найзағай сегіз адамның өмірін жалмады
АСТАНА. 29 желтоқсан. ҚазАқпарат - Малави астанасы Лилонгве қаласында шіркеуге келген сегіз адамға найзағай түсіп мерт болды.
Бұл туралы lenta.ru хабарлады.
Оқиға 28 желтоқсан күні жергілікті уақыт бойынша 16.30-да орын алған. Шіркеуден ауруханаға 9 адам жеткізілгенімен олардың сегізі жолда жантәсілім еткен екен. Соның ішінде бір бала бар.
Тоғызыншы адам жансақтау бөліміне жатқызылды. Барлығы осы оқиға салдарынан 40-қа тарта адам зардап шекті.
