ШЫҰ елдерінің жоғары білім саласындағы ынтымақтастығы туралы кітап жарық көрді

презентация
Фото: Солтан Жексенбеков/Kazinform

АСТАНА. KAZINFORM – Туындының тұсаукесер рәсіміне ШЫҰ-ға мүше елдердің жоғары оқу орындарының басшылары қатысты.

Бүгін Astana IT университетінде «Жоғары білім беру және өндірісті интеграциялау саласындағы ынтымақтастық» тақырыбында халықаралық симпозиум өтті. 

жиын
Фото: Солтан Жексенбеков/Kazinform

Жиын барысында «ШЫҰ-ға мүше елдердің жоғары білім саласындағы халықаралық ынтымақтастығы» атты кітаптың тұсауы кесілді. 

Жинақта ұйымға қатысушы елдердің білім-ғылым, халықаралық ынтымақтастық саласындағы ортақ табыстары мен бірлесе атқарған жұмысы орыс, ағылшын, қытай тілінде баяндалған. 

тұсаукесер
Фото: Солтан Жексенбеков/Kazinform

Айта кетейік, халықаралық симпозиум жұмысына және кітапты таныстыру рәсіміне ҚХР Білім министрі Хуай Цзиньпэн, ҚР Ғылым және жоғары білім министрі Саясат Нұрбек, Жібек жолы университеттері альянсының хатшылығы, Әл-Фараби атындағы Қазақ ұлттық университетінің басқарма төрағасы – ректоры Жансейіт Түймебаев, Сиань Цзяотун университетінің ректоры Чжан Лицюнь, Астана IT университетінің ректорының міндетін атқарушы Серік Өмірбаев және 20 жоғары оқу орнының ректорлары қатысты. 

конференция
Фото: Солтан Жексенбеков/Kazinform

Аталған шара барысында Қытай Білім министрі Хуай Цзиньпэн ШЫҰ елдерінде білім саласын дамыту бойынша үш ұсыныс айтқан болатын. 

кітап
Фото: Солтан Жексенбеков/Kazinform

 

Соңғы жаңалықтар