ШҚО-да бір күнде 2 рет қар көшкіні жүрді

ӨСКЕМЕН. KAZINFORM – Шығыс Қазақстан облысында бір күнде 2 рет қар көшкіні жүрді.

қар көшкіні
Фото: ШҚО ТЖД

«Қазселденқорғау» мекемесінің мәліметінше, Ұлан ауданындағы облыстық маңызы бар «Өскемен-Самар» тасжолының 101-шақырымында қардың мол жаууына және желдің күшеюіне байланысты қар көшкіні жүрді. Жалпы көлемі 370 текше метр қар түскен.

- Зардап шеккен ешкім жоқ. Көшкін жолды жауып тастады. Көп ұзамай «Облшығысжол» ЖШС техникалары жолды тазартты, - деп хабарлады ШҚО төтенше жағдайлар департаментінен. 

Екінші көшкін дәл осы тасжолдың 100-ші шақырымында болған. Таудан түскен 750 текше метр қар жолды жауып қалған. Қазіргі уақытта жол ашылып, көлік қозғалысы қамтамасыз етілген.

Еске салсақ, осыған дейін БҚО-да көктемгі су тасқынына қарсы дайындық қызу жүріп жатқаны хабарланған.

Соңғы жаңалықтар