ШҚО-да демалыс базасында болған өрт орнынан тұлғасы анықталмаған ер адамның мәйіті табылды
АСТАНА. 28 қазан. ҚазАқпарат - Шығыс Қазақстан облысы Зырян ауданы аумағында Бұқтарма су қоймасы жағасындағы "Лесная" демалыс орнындағы үйде 27 қазан күні сағат 23 с. 55 мин. өрт болды.
Бұл жайлы ҚР ТЖМ баспасөз қызметі хабарлады.
Тілсіз жау 00 с. 20 минутта ауыздықталды. Оны сөндіруге Шығыс Қазақстан облысы ТЖД-ның 5 адамы мен 2 техникасы тартылды. Өрт болған жерден тұлғасы анықтамаған ер адамның мәйіті табылды.
