ШҚО-да газ баллонының жарылуынан үш адам зардап шекті - ТЖМ
АСТАНА. Қаңтардың 22-сі. ҚазАқпарат - Шығыс Қазақстан облысында жеке сектордағы тұрғын үйде газ баллонының жарылуынан үш адам жарақаттанып, ауруханаға жеткізілді,
деп хабарлайды ҚР ТЖМ-ның баспасөз қызметі.
Қаңтардың 21-і күні таңертең ШҚО, Глубокий ауданындағы Кожохов ауылында «жер үйде» газ баллоны жарылып, оның салдарынан 6 шаршы метр аумақта үйдің төбесі мен қабырғасы жанған.
Күйік жарақаттарын алған үш адам, оның ішінде 14 жастағы жасөспірім ауруханаға жеткізілді.
Өрт ШҚО ТЖД-ның өртке қарсы қызметінің күшімен ауыздықталды.
