ШҚО-да көлігімен суға құлаған ер адам көз жұмды

ӨСКЕМЕН. KAZINFORM – Шығыс Қазақстан облысы Глубокое ауданында көлігімен суға құлаған ер адам мерт болды.

ШҚО Полиция департаменті баспасөз қызметінің мәліметіне сүйенсек, полицияға Глубокое ауданындағы демалыс базасынан көлігімен жолға шыққан ер адамның жоғалып кеткені жайлы хабар түсті. Тәртіп сақшылары мен құтқарушылар жедел іздестіру шараларына кіріскен.

«33 жастағы азаматтың денесі мен көлігі өзеннен табылды. Оның жазатайым оқиға салдарынан суға батқаны анықталды», - деп хабарлады ведомство өкілдері.

Сот-медициналық сараптамасының қорытындысына сәйкес, ер адамның көз жұмуына «механикалық асфиксия мен суға бату» себеп болған.

Еске салсақ, осыған дейін Өскеменде 17 жастағы бойжеткеннің өзіне қол салғаны хабарланған.