ШҚО-да көлік қағып кеткен 5 жасар бүлдіршін көз жұмды
ӨСКЕМЕН. ҚазАқпарат - Кеше Шығыс Қазақстан облысының Алтай ауданында қайғылы жағдай болды. Жолдан өтіп бара жатқан ана мен баланы көлік қағып кетті. Балақай оқиға орнында қаза тапты, деп хабарлайды Altaynews.kz.
Бүлдіршіннің анасы ауруханаға жеткізілген болатын. Алайда, дәрігерлердің айтуынша, 36 жастағы әйел ауруханаға жатудан бас тартқан.
Қазіргі уақытта оқиғаға қатысты ҚР Қылмыстық кодексінің 345-бабы 3-бөлігі бойынша сотқа дейінгі тергеу амалдары жүріп жатыр.
«Қажетті сараптамалар тағайындалды. Оқиғаның мән-жайы анықталып жатыр», – деп мәлімдеді ШҚО полиция департаментінің баспасөз қызметі.
