ШҚО-да несиелік серіктестікке қатысты үкім шықты
ӨСКЕМЕН. ҚазАқпарат - Шығыс Қазақстанның Күршім ауданында құрылған несиелік серіктестік «Ертіс» әлеуметтік кәсіпкерлік корпорациясынан жымқырған ақшасын қайтарды, деп хабарлайды ҚазАқпарат тілшісі.
Несиелік серіктестік «Ертіс» әлеуметтік кәсіпкерлік корпорациясы мен тұрғындар арасында делдалдық қызмет атқарып келген. Халық кәсіп ашу үшін «Жұмыспен қамту-2020» бағдарламасы бойынша 3 млн теңгелік несиелерді осы серіктестік арқылы алып отырған. Қарыз күршімдіктер тарапынан уақытылы төленгенімен, серіктестік басшылығы ол ақшаны «Ертіс» ӘКК-ге аударуға «асықпаған».
«Соталды тергеу кезінде несиелік серіктестіктің иесі қалтаға басқан мемлекет қаржысын толық көлемде қайтарды. Сондықтан, оған қарсы қозғалған қылмыстық іс тоқтатылды» - делінген өңірлік Мемлекеттік кірістер департаментінің мәліметінде.
