ШҚО-да ораза ұстаған халыққа Президент атынан ауызашар берілді
ӨСКЕМЕН. KAZINFORM - Шығыс Қазақстан облысында Рамазан айында ауыз бекіткен халыққа Президент атынан ауызашар берілді.
Өскемен қаласындағы Халифа Алтай атындағы ШҚО мешітінде Мемлекет басшысы Қасым-Жомарт Тоқаевтың атынан 290 жамағатқа ауызашар берілді.
«Баршаңызды Рамазан айының басталуымен құттықтаймын. Ұстаған оразаларыңыз қабыл болсын. Бүгін қасиетті мерекеде «Халифа Алтай» орталық мешітінде Мемлекет басшысы Қасым-Жомарт Кемелұлы атынан көпшілікке арнап ауыз ашар беріп отырмыз. Сіздерге рухани күш-жігер, жарқын көңіл, зор денсаулық, бақ-береке, табыс тілеймін. Еліміз аман, жұртымыз тыныш болып, бірлігіміз бен берекеміз арта берсін», – деді Ермек Көшербаев.
Ауызашарда мешіттің бас имамы Ермек Мұқатай жиналған көпшілікті қасиеті Рамазан айында ұстаған оразаның қабыл болуына тілек білдіріп, жамағатқа арнап оразаның пайдасы мен ұстау қағидалары жөнінде уағыз айтты.
