ШҚО-да су тасқынын бақылайтын 2 бекет қойылды
НҰР-СҰЛТАН. ҚазАқпарат – Шығыс Қазақстан облысының Алтай ауданында су тасқынын бақылайтын 2 бекет қойылды, деп хабарлайды ҚазАқпарат ҚР Төтенше жағдайлар министрлігіне сілтеме жасап.
Баспасөз қызметі таратқан мәліметке сәйкес, су тасқыны кезеңіндегі ықтимал қауіптерді бақылауда ұстау үшін ауданға ҚР ТЖМ қарасты 68303 әскери бөлімінің 15 қызметшісі мен 2 техника жолданған. Осы күш пен құралдар арқылы Зубовск кентінде су тасқынын бақылайтын қос бекет ұйымдастырылды. Әскерилер халықтың әлеуметтік осал топтарына көмек көрсетіп, арық жүйелерін тазалауға кірісті.
Айта кетейік, ШҚО-да 11 сәуірге дейін қар көшкіні жүру қаупі сақталатыны хабарланған.
