ШҚО-да тұманға байланысты жолда көлік қозғалысы шектелді
ӨСКЕМЕН. KAZINFORM – Шығыс Қазақстан облысындағы жолдардың бірінде тұманға байланысты көлік қозғалысына шектеу қойылды.
ШҚО Төтенше жағдайлар департаменті баспасөз қызметінің мәліметіне сүйенсек, шектеу ауа райының нашарлауына, нақты айтқанда ауа температурасының төмендеуі мен тұманға байланысты енгізіліп отыр.
- Облыстық маңызы бар «Өскемен-Тарғын-Самар» тасжолының 82-145 шақырымында (Тайынты ауылы мен Самар ауылының арасы) дөңгелегі қыстыққа ауыстырылмаған көлік құралдарына, тіркеме және жартылай тіркемесі бар жүк көліктеріне қозғалысқа шектеу енгізілді, - делінген ақпаратта.
Осы ретте, құтқарушылар өңір тұрғындарына жолдардың жай-күйін «Дәрмен» мобильді қосымшасы арқылы тексеріп отыруға кеңес берді.
Еске салсақ, осыған дейін Алматыдағы адам өліміне себеп болған жол апаты бойынша іс қайта қаралатыны хабарланған.
