ШҚО-да жоғалып кеткен екі энергетик аман табылды
ӨСКЕМЕН. ҚазАқпарат - ТЖ департаменті қызметкерлері Күршім ауданындағы ен далада жоғалып кеткен Шығыс Қазақстан аймақтық энергетикалық компаниясының екі энергетигін тапты, олардың жағдайы жақсы, деп хабарлады ҚазАқпарат тілшісі.
Олар аудан орталығынан 60 шақырым жерде орналасқан Чердояк ауылындағы аралық станцияға жеткізілді.
ТЖ хабарлауынша, Шығыс Қазақстан аймақтық энергетикалық компаниясының қызметкерлері жоспар бойынша электр беру желілерін тексеруге шыққан және кешкі бестен кейін арадағы байланыс үзілген. Компания құтқарушыларға 21:00-ден кейін хабарласты және тез арада іздестіру жұмыстары басталды. Олардың арнайы автокөліктері сынған және сол мезетте «телекоммуникациялық зонадан тыс» жерде болған.
