ШҚО-да жолда қалған 3 аңшы құтқарылды
СЕМЕЙ. ҚазАқпарат – Семей қаласының маңында көліктері сынып қалған 3 аңшы құтқарылды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне қарағанда, аңшылардың «Нива» автокөлігі Жарқын елді мекенінен 30 шақырым жерде (Семейден 47 шақырым) бұзылған.
«Оқиға орнына келіп жеткен жедел-құтқару жасағының қызметкерлері «Нива-Марш» көлігімен үш аңшыны эвакуациялады», - деп хабарлады ведомство өкілдері.
Осы ретте, ТЖД тұрғындарға алыс жолға шыққан кезде міндетті түрде көліктің техникалық жағдайын тексеру қажеттігін еске салады.
