ШҚО-дағы шахтада қызметкер қаза тапты
АСТАНА. ҚазАқпарат - Шығыс Қазақстан облысының Шемонаиха ауданында Артемьев шахтасында ер адам тоққа түсіп көз жұмды, деп хабарлайды «ҚазАқпарат» ХАА тілшісі KAZ Minerals компаниясының баспасөз қызметіне сілтеме жасап.
Қайғылы оқиға 9 қазан күні сағат 20:00 шамасында Артемьев шахтасында тіркелген. Мерт болған ер адам шахтасының электрслесарь болып жұмыс істеген.
«Артемьев шахтасының электрслесарі электр тоғынан зардап шегіп қаза тапты. Қазіргі уақытта оқиғаның мән-жайы анықталу үстінде. KAZ Minerals Тобының басшылығы мен ұжымы марқұмның отбасына көңіл айтып, қайғыларына ортақтасады», - делінген хабарламада.
Аталған оқыс оқиаға қатысты арнайы комиссия құрылып, тергеу жұмыстары жүріп жатыр.
