ШҚО-дағы «Таскескен-Бақты» тасжолы жабылды
ӨСКЕМЕН. ҚазАқпарат – Шығыс Қазақстан облысында «Таскескен-Бақты» тасжолы жабылды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, бүгін өңірдегі тасжолдардың бірінде көлік құралдарының барлық түрі үшін қозғалысқа тыйым салынды.
«Ауа температурасының күрт жылынуы мен қардың тез еруіне байланысты республикалық маңызы бар «Таскескен-Бақты» тасжолының 75-84 шақырымы жабылды», - делінген ақпаратта.
Осы ретте, құтқарушылар өңір жұртшылығына алыс сапарға шығар алдында жолдардың жай-күйін «Дәрмен» мобильді қосымшасы арқылы тексеріп отыруға кеңес берді.
