ШҚО құтқарушылары жұмыста ұлттық киіммен жүр
ӨСКЕМЕН. KAZINFORM – Шығыс Қазақстан облысының құтқарушылары Ұлттық киім күнін атап өтуде.
18 наурыз елімізде – Ұлттық киім күні.
Сондықтан ШҚО төтенше жағдайлар департаментінің қызметкерлері жұмысқа ұлттық киім киіп келген.
Құтқарушылар, диспетчерлер, өрт сөндіру автокөліктерінің жүргізушілері, кадр қызметінің мамандары және мемлекеттік өрт бақылау инспекторлары жұмысқа бешпет, жилет және дәстүрлі ұлттық ою-өрнектері бар киім киіп, сәнденіп келді.
Қыздар зергерлік бұйымдарын тағынып, әдемі сырғалары мен алқаларын паш етуде.
«Ұлттық киім-кешек адамның сыртқы сұлулығын көрсетіп қана қоймай, бай-рухани әлемін, өз халқына деген сүйіспеншілігін бейнелейді. Сондықтан да осындай күннің мән-маңызы зор»,- дейді облыстық ТЖД бастығының орынбасары Айдын Мустафин.
