ШҚО мен Маңғыстау өңірінде республикалық маңыздағы жол учаскелері жабылды
АСТАНА. ҚазАқпарат – Шығыс Қазақстан мен Маңғыстау облысында республикалық маңыздағы жол учаскелері жабылды, деп хабарлайды ҚазАқпарат Республикалық маңызы бар автомобиль жолдарының ұлттық операторына сілтеме жасап.
14 желтоқсан күні сағат 11.00-де Шығыс Қазақстан облысында жасанды жолмен қар көшкінін түсіру бойынша профилактикалық жұмыстарды жүргізуге байланысты «Өскемен-Алтай-Үлкен Нарын-Катонқарағай-Рахманов қайнарлары» тасжолының 6-66 шақырымдарының аралығы автокөліктің барлық түрі үшін жабық. Бұл Ушановское ауылынан Серебрянск ауылына дейінгі аралық.
Сондай-ақ бүгін сағат 11.00-ден бастап Маңғыстау облысында күннің бұзылуына байланысты «Доссор-Құлсары-Бейнеу-Сай Өтес-Шетпе-Жетібай-Ақтау» күре жолының 647-701 шақырымы аралығында автокөліктің барлық түрлері үшін қозғалысқа шектеу енгізілді. Бұл Шетпе ауылынан Жетібай кентіне дейінгі учаске.
