ШҚО-ның Күршім ауданында найзағайдың әсерінен тұтанған өрт сөндірілді
ӨСКЕМЕН. ҚазАқпарат - 2023 жылғы 9 шілдеде сағат 15.00-де Күршім ауданындағы таулы жерде найзағайдың тікелей әсерінен құрғақ шөп жанды, деп хабарлайды ҚазАқпарат Шығыс Қазақстан облыстық Төтенше жағдайлар департаментінің баспасөз қызметіне сілтеме жасап.
Оқиға орнына автокөлік техникасымен жету мүмкін болмағандықтан, жергілікті атқарушы органдардан, өрт сөндірушілер мен орманшылардан 34 адам жану ошағына жаяу жіберілді.
Өрт 10 шілде күні 00.00-де сөндірілді. Жалын шарпыған аумақ 3 гектарды құрады.
Естеріңізге сала кетейік, облыстың оңтүстігі мен батысында өрт қауіпінің жоғары деңгейі туралы ескерту бар.
ШҚО ТЖД халыққа ашық отты пайдалану кезінде өте сақ болуға, үйлер мен үй-жайлардың жанында от жағуға, құрғақ шөпті, қамысты өртемеуге кеңес береді.
«Көліктерден сөндірілмеген темекі, шыны ыдыстарды тастамаңыздар. От жағуға болмайды!»,-делінген хабарламада.
