ШҚО-ның шекаралас аудандарына белгілі бір мәртебе беру қарастырылмаған – ҰЭМ
АСТАНА. ҚазАқпарат – Шығыс Қазақстан облысының шекаралас аудандарына белгілі бір мәртебе беру мәселесі қарастырылмаған. Ұлттық экономика вице-министрі Абзал Әбдікәрімов редакция сауалына осындай жауап берді, деп хабарлайды ҚазАқпарат тілшісі.
«Айрықша мәртебе беруге қатысты айтсақ, бүгінгі таңда Шығыс Қазақстан облысының шекаралас аудандарына белгілі бір мәртебе беру мәселесі қарастырылмаған. Сонымен қатар Ауылдық аумақтарды дамытудың 2023-2027 жылдарға арналған тұжырымдамасы шекаралас, шағын ауылдық елді мекендердің қолданыстағы инфрақұрылымы мен базалық қызметтерін қолдауды қамтамасыз етуге бағытталған іс-шаралар көзделген. Еңбек тапшылығы бар өңірлердің шекаралас ауылдық округтері тұрғындарының жалақысына үстемеақы енгізу мүмкіндігі қаралады», - деп жазылған жауапта.
Министрліктің мәліметі бойныша, кейінгі 5 жылда Катонқарағай ауданының халқы – 5%, Марқакөл ауданының халқы 21% азайып кеткен.
«Бұл ретте аталған аудандар қалпына келтірілгеннен кейін Катонқарағай ауылы мен Марқакөл ауылы аудан орталығы мәртебесіне ие болады», - дейді Абзал Әбдікәрімов.
