Шоколад қан тамырларындағы ауытқушылықты емдейді
АСТАНА. 29 қыркүйек. ҚазАқпарат - Еурокомиссия швейцарлық элиталық шоколад өндірушіге шоколадты қан тамырлары ауытқушылықтарын емдейтін құрал ретінде насихаттауға рұқсат берді, деп хабарлады Росбалт.
Сарапшылар шоколад құрамындағы какаодан жасалатын флавонолдар тамырлардың созылғыш қасиетін жақсартып, қанның қалыпты өтуіне жәрдемдеседі деген пікірде.
Компания шоколадтың пайдасы жөнінде сілтеме жасауға рұқсат алған нарықтағы алғашқы өндіруші, енді оның орамында тиісті жазу пайда болмақ.
Еурокомиссия бұл шешімді какао-ұнтағы мен қоңыр шоколадқа қатысты компания ұсынған ақпарат негізінде қабылдады, деп хабарлады Meddaily .
Компания ғалымдары күн сайын 200 миллиграммм флавонол қанның қалыпты ағынын қамтамасыз ететінін дәлелдеді.
