Шотландиядағы референдумның алғашқы нәтижесі: ел тәуелсіздікке қарсы
АСТАНА.ҚазАқпарат - Шотландияның Клакманнаншир облысында тәуелсіздік туралы референдум нәтижесі анықталды, деп жазады Би-би-си.
Нәтиже бойынша облыс тұрғындарының 46 пайызы тәуелсіздік алғылары келетінін білдірсе, 54 пайызы қарсы болған.
Бұл елде өткізілген референдумның алғашқы нәтижесі. Бұдан соң 31 округтің дауыс беру нәтижелері анықталады.
Клакманнаншир - Шотландияның орталығында орналасқан шағын ғана аймақ. Оның тұрғындарының саны 40 мың адамнан аспайды. Дауыс беруге жұрттың 88%-ы атсалысқан.
