ШҰҒЫЛ: Астанада қала әкімдігінің ғимараты жанында екі көлік өртеніп кетті
АСТАНА. 18 қаңтар. ҚазАқпарат /Жасұлан Жолдыбаев/ - Астана орталығында орналасқан қалалық әкімдік ғимараты жанында екі жеңіл көлік өртеніп кетті, деп хабарлайды агенттік тілшісі оқиға орнынан.
"Фольксваген Гольф" және "Хонда Цивик" маркалы екі көлік өртке оранды. Тілсіз жаумен күресуге өрт сөндіру қызметінің оншақты қызметкері мен 2 техникасы тартылды. Оқиға орны қалалық ішкі істер органдарымен оқшауланған. Өрттің шығу себептері белгісіз. Алдын ала мәліметтер бойынша, өрт көліктердің бірінің электр сымдарының тұйықталуынан тұтанып, жанында тұрған екінші көлікке тараған.
