ШҰҒЫЛ: Астанада сол жағалауда екі автокөлік жарылды
АСТАНА. ҚазАқпарат - Астанада «Мерседес» маркалы минивэн «Дипломат» тұрғын үй кешенінің автотұрағында жарылған. Бұл туралы «ҚазАқпаратқа» оқиға куәгерлері хабарлады.
«Басында бір автокөлік жарылды, одан соң соның қасында тұрған екінші көлік те жарылып кетті. Абырой болғанда, көліктер ішінде адамдар болған жоқ», - дейді куәгерлер. Оқиға орнына өрт сөндірушілер жасағы мен полиция қызметкерлері жеткен. Құрбан болғандар жоқ, оқиғаның себеп-салдары анықталуда. Айта кетейік, минивэндер трансформаторлы шағын стансалардың қасында тұрған.
