08:10, 13 Мамыр 2012 | GMT +5
ШҰҒЫЛ: Геннадий Головкин Бүкіләлемдік бокс қауымдастығының орта салмақтағы Әлем чемпионы атағын 5-ші рет қорғап қалды
АЛМАТЫ. 13 мамыр. ҚазАқпарат - Кеше түнде Украинаның Бровари қаласында ағайынды Кличколардың промоутерлік компаниясының ұйымдастырумен кәсіпқой бокс матчы болды.

Онда басты жекпе-жек Бүкіләлемдік бокс қауымдастығының (WBА) орта салмақтағы Әлем чемпионы қазақстандық Геннадий Головкин мен жапониялық Макото Фучигами арасында өтті. 30 жастағы қарағандылық қарсыласын 3-раундта техникалық нокаутпен ұтып, өзінің 22 жеңісіне қол жеткізді. Осымен 20 рет жекпе-жекті мерзімінен бұрын аяқтаған ол бірде-бір рет жеңіліс таппаған. Геннадий WBO-ның бос тұрған Құрлықаралық Әлем чемпионы атағын 2009 жылы 11 шілдеде Германияда иеленген еді. Ал оның 28 жастағы жапондық әріптесі өзінің 26 кездесуінде 7-рет жеңілістің ащы дәмін сезінді. Бұл оның 2009 жылы 21 шілдеден кейін қатарынан 9 рет қол жеткізген жеңіс сериясына нүкте қойды.