13:38, 13 Ақпан 2013 | GMT +5
ШҰҒЫЛ: «ҚазМұнайГаздың» бұрынғы басшысы мерзімінен бұрын - шартты түрде босатылды
АСТАНА. 13 ақпан. ҚазАқпарат - «ҚазМұнайГаз» компаниясының бұрынғы басшысы 2012 жылдың күзінде мерзімінен бұрын - шартты түрде босатылды, деп хабарлады Ақмола облысы бойынша ҚАЖД-нің баспасөз қызметінен.

Аталмыш өңірлік қылмыстық атқару жүйе департаментінің өкілі Ирина Горнованың сөзіне қарағанда, «ҚазМұнайГаз» компаниясының бұрынғы басшысы Серік Бүркітбаев Ақмола облысы Зеренді аудандық сотының үкімімен мерзімінен бұрын-шартты түрде босатылды. Аталмыш үкім 2012 жылдың 16 қарашасында заңды күшіне енді.
С. Бүркітбаев ЕЦ-166/25 түзеу мекемесінде жазасын өтеп, өзін жақсы жағынан көрсетті.
Оған қоса сотталушыдан сотқа оны мерзімінен бұрын-шартты түрде бостандыққа шығару жөнінде өтініш келді, ол қанағаттандырылды, деп атап өтті И. Горнова.