Шүменов атақты ринг-анонсер Бафферді Қазақстанға шақырды
АСТАНА. ҚазАқпарат - Қазақстандық боксшы Бейбіт Шүменов (17-2, 11 КО) әлеуметтік желіде танымал ринг-анонсер Майкл Бафферге жауап берді, деп хабарлайды Sports.kz.
Еске сала кетсек, кеше Твиттерде Баффер Шүменовке биыл жазда Қазақстанға барғысы келетінін қазақ тілінде жазып еді. «Керемет! Қазақстан сізді көргеніне қуанышты болар еді», - деп жауап берді Бейбіт америкалық конферансьеге.
Майкл Баффер Астанадағы ЭКСПО-2017 көрмесі аясында бокс кешіне қатысады деп күтілуде.
