Шұңқырға құлаған Павлодар тұрғыны оқиға орнында көз жұмды
ПАВЛОДАР. ҚазАқпарат - Павлодардағы үлкен көшенің жаяу жүргіншілерге арналған жолында шұңқырға түсіп кеткен ер адам одан шыға алмай, үсіп өлді, деп хабарлайды «ҚазАқпарат» ХАА тілшісі.
«Оқыс оқиға Қамзин көшесіндегі 106-үйдің алдында болған. Полиция қызметкерлері барғанда ер адамның денесі тереңдігі 2,5 метр шұңқырда жатқан. Сот-медицина сараптамасының қорытындысына сәйкес, оның өліміне организмінің тұтастай тоңуы себеп болған», - дейді Павлодар полициясындағылар.
38 жастағы Евгений Ильиннің денесі 16 желтоқсан күні шамамен 12:50-де қаланың үлкен көшелерінің бірінен табылған. Оның үйсіз адам болмағаны белгілі. Ер адамның мас күйде болған-болмағаны токсикологиялық сараптаманың нәтижелерінен кейін анық болады. Инстаграмда қалалықтарға қауіпті шұңқыр туралы ескертетін видео тарады.
