Швеция 10 миллионыншы тұрғынын күтіп отыр
АСТАНА. ҚазАқпарат - Швеция халқының саны алдағы аптаның соңына қарай 10 миллион адамнан асуы тиіс. Бұл туралы Швед радиосы Орталық статистикалық бюроға (ОСБ) сілтеме жасап хабарлады.
«Біздің есебіміз бойынша, бұл 20 қаңтарда 08:00-ге бірнеше минут қалғанда болады»,- деп мәлім етті халықтың саны жөніндегі ОСБ сарапшысы Томас Юханссон.
2004 жылы Швеция 9-миллионыншы тұрғынның туғанын атап өтті. Соңғы онжылдықта халықтың өсімі жылдан жылға артып келеді және 2016-да 18 ғасырдан, яғни статистика жүргізілгеннен бергі ең көп бала туу көрсеткіші тіркелді. Сондай-ақ енді 7 жылдан кейін тағы 1 миллионға өсуі күтіліп отыр.
