Шведова Мароккодағы турнирді сәтті бастады

АСТАНА. ҚазАқпарат - Рабатта өтіп жатқан сыйлық қоры 226 мың долларды құрайтын WTA теннис турнирінің бірінші айналым матчында қазақстандық теннисші екі сетте сербиялық Александра Круничті жеңді, деп хабарлайды «ҚазАқпарат» ХАА тілшісі.

Жарыс 1 сағат 31 минутқа созылды. Қазақстандық спортшы 6:2, 7:6 есебімен жеңіске жетті.

Ирина Бегу (Румыния) - Татьяна Мариа (Германия) жұбының жеңімпазы Шведованың келесі қарсыласы болады.

Еске салайық, осы турнирде тағы бір теннисшіміз - Юлия Путинцева бірінші айналымда германиялық Петковичті ойсырата жеңген болатын.