Швейцарияның парламенттік сайлауында 4 мың үміткер бақ сынауда

АСТАНА. ҚазАқпарат - Швейцарияда парламенттік сайлау өтіп жатыр. Тұрғындар Ұлттық кеңес пен Кантондар кеңесінің депутаттарын таңдауы тиіс. Саяси додада шамамен 4 мың үміткер бақ сынауда, деп жазады 24.kz.

«Бұл - ел тарихында депутаттық мандатқа таласқандардың рекордты саны», - деп мәлімдеді жергілікті билік.

Жалпы бұл дауыс берудің Швейцариядағы ең қымбат саяси додасы болатын түрі бар. Сарапшылардың есебінше, партиялар сайлауалды науқанға шамамен 178 миллион доллар шығындаған. Фото: ria.ru