Шығыс Қазақстанда 1 339 адам өзін банкрот деп тануға өтініш берді

ӨСКЕМЕН. ҚазАқпарат – Шығыс Қазақстан облысында 1,3 мыңнан астам адам өзін банкрот деп тануға өтініш берді, деп хабарлайды ҚазАқпарат тілшісі.

ШҚО бойынша мемлекеттік кірістер департаментінің мәліметіне сүйенсек, азаматтардан банкроттыққа өтініш қабылдау осы жылдың 3 наурызында басталған.

Сол уақыттан бері облыс бойынша 1 339 өтініш түсті.

«Жеке тұлғалардың банкроттығын жүзеге асырудың нақты мерзімі жоқ. Осы уақытқа дейін барлығы 173 азаматқа қатысты соттан тыс банкроттық рәсімі басталды. Көрсетілген борышкерлер бойынша мәлімет электронды үкімет веб-порталында жарияланған», - дейді департамент басшысы Саят Бимағамбетов.

Сондай-ақ елімізде 22 мамырда конструктор автокөліктерді заңдастыру басталған болатын.

Бүгінгі таңда ШҚО бойынша осындай 2 522 көлік заңдастырылған.

Заңдастыру 2023 жылдың 1 шілдесіне дейін жалғасады.