Шығыс Қазақстанда қар көшкіні жүру қаупіне орай жол жабылды
ӨСКЕМЕН. ҚазАқпарат – Шығыс Қазақстан облысында қар көшкіні жүру қаупіне орай жол жабылды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, республикалық маңызы бар «Өскемен-Алтай-Үлкен Нарын-Катонқарағай-Рахман қайнары» тасжолында қар көшкіні жүру қаупі артты.
«Соған орай бүгін сағат 19.00-ден бастап аталған жолдың 420-450 шақырымында көліктің барлық түрлері үшін қозғалысқа тыйым салынды. Өңір жұртшылығына алыс сапарға шығар алдында жолдардың жай-күйін «Дәрмен» мобильдік қосымшасы арқылы тексеріп отыруға кеңес береміз», - делінген ақпаратта.
