Шығыс Қазақстанда шекаралық аудандардағы 25 мектеп жөндеуден өтті
ӨСКЕМЕН. ҚазАқпарат – Шығыс Қазақстан облысында шекаралық аудандарда орналасқан 25 мектеп жөндеуден өтті, деп хабарлайды ҚазАқпарат тілшісі.
ШҚО әкімдігінің мәліметіне сүйенсек, облыстың 250 мектебі жаңа модификация кабинетімен жабдықталған. 221 білім беру нысанына, оның ішінде шекарамен шектес аудандардағы 25 мектепке күрделі және қатардағы жөндеу жұмыстары жүргізілді.
«Осы жылдың сәуір айынан бастап құжаттарды қабылдаудың электронды жүйесі іске қосылды. Бұл жүйе арқылы барлығы 20 930 оқушы бірінші сыныпқа қабылданған. «Жас маман» жобасы бойынша базалық колледждер жанынан алты біліктілік орталығы ашылды. Онда кез келген оқу орындарының студенттері жаңа құрал-жабдықпен өндірістік тәжірибеден өте алады», - делінген ақпаратта.
Жыл соңына дейін осындай тағы 5 орталық ашылмақ. Бұл орталықтарда өндірістік тәжірибеден өткен студенттер саны 3 мың адамды құрап отыр.
